Gulliver

1699. urtea da. Lemuel Gulliver mediku gazteak beste herrialde batzuetara nabigatzea pentsatu du, zori hobe baten bila. Horrela hasten da gure abentura zorabiagarri hau, bi marinel bitxik kontatuta. Itsas hondotik berreskuraturiko klase guztietako objektuak gordetzen dituzte marinelok, eta altxor handienaren pare zaintzen dituzte. Haiei esker jakingo dugu nola hondoratu zen Gulliver itsasoan, nola iritsi zen Liliput herrialdera, eta han nola ezagutu zituen biztanle bitxi eta ñimiño batzuk: lilipurtarrak. Biztanleok oso mesfidati agertuko dira Gulliverren aurrean; izan ere, beren aldean, izaki erraldoi baten antzera ikusten dute.

Aurrerago, berriz, Gulliver berriro hondoratuko da itsasoan, eta, oraingoan, biztanle erraldoiz beteriko herrialde batera iritsiko da. Erraldoiok ez daude prest halako izaki ñimiñorik onartzeko beren artean, eta ez diote inolako harrera onik egingo. Hala ere, halako mundu fantastikoetan ibili eta gero, erraldoi izanda ipotx artean eta ipotx erraldoi artean, Gulliverrek lortuko du bere jaioterrira itzultzea.